Aug 3, 2011

احذروا من شركات التوظيف - حرامية ونصابين


لما تشوفوا على النت او الشارع او اى جريدة اعلان زى دة او شبهه
" تعلن شركة حسون عن الوظائف التاليه للجنسين بخبرة او بدون خبرة (سكرتارية - علاقات عامة - ارشاد وفود عربية واجنبية - اسطف كامل لفنادق 5 نجوم - اعمال ادارية - عمال - وظائف خارج مصر بالكويت والسعودية وعمان ) برواتب مجزية جداااااااا يوجد ايضا عمل لطلبة الجامعات بعض الوقت "


اعرفوا انها شركة توظيف ، الشركات دى شغاله بنظام نصب حلو اوى ، بعد ما الشخص بيشوف الاعلان دة يروح يتصل بيهم ، طبعا يقولوا فى شغل كتير واحنا محتاجين ناس وتروح لعنوان المكتب بتاعهم، وبعدين يخلوك تدفع مبدئيا فى حدود 20 جنيه وبعدين يقولولك اتصل بينا كمان يومين ، بعد ما تتصل بيهم يقولولك معلش اصل البلد مش فيها شغل والحال واقف وانت ماتقبلتش فى الشغل اللى قدمنالك فيه ، وضاعت عليك العشرين جنيه يا معلم , من غير حتى ما تتأكد هما قدمولك فعلا ولا لا !!! احذروا احذروا احذروا دول شوية نصابين مش بيعملوا حساب لربنا