Feb 19, 2012

مسابقة " المهنة ايه" للوقاية من المخدرات جوائز 3000 جنية


نظم صندوق مكافحة وعلاج الإدمان والتعاطى مسابقة بالتعاون مع جريدة المساء تهدف إلى الوقاية من المخدرات والتى استمرت على مدار (10) عشرة أيام ، تتضمن المسابقة (10) أسئلة بواقع سؤال عن كل يوم بدأت من 1 إلى 10 فبراير 2012 وعلى القارئ معرفة المهنة وتأثير المخدرات على متعاطيها . وتبلغ قيمة الجوائز 3000 جنيه تمنح لعشرة فائزين بواقع 300 جنيه لكل فائز.

ويمكنكم الإشترك فى المسابقة من خلال الإجابة على التساؤلات أسفل الصفحة وارسالها على العنوان التالى : 37 (أ) ش محمد عز العرب – المبتديان سابقاً فى موعد أقصاه 1/3/2012
الخط الساخن لعلاج الإدمان (16023) ... 
العلاج فى سرية تامة وبالمجان
"قبل ما حياتك تنهار ... بايدك تاخد القرار"
موقع الصندوق الالكترونى : www.drugcontrol.org.eg

أسئلة مسابقة جريدة المساء

(1) لازم تفوق ... أوعى تقول إنك تسوق ... وأنت شارب على الطريق
أو تفتكر إن اللي جرك للمخدر ... ممكن في يوم يكون صديق ...
(2)   ركز وذاكر ... راح تبقى فاكر ... من غير متاخد منبهات ...
لحسن دماغك منك تسافر ... ولا تبقى فاكر غير الآهات ...
 

(3)  ترسم في اللوحة وتحولها وتبقى عماره .... بس تفوق راح تبقى لفوق بدل الكيف ما يدمر مخك وعمارتك تصبح منهارة .......
      
(4)  قاعد تحرص شركة ومصنع ... وتقول أشرب مش راح أنام
وتسهر ليلك فاكر شربك ... هيخليك صاحي وتمام ... وتلقى دماغك ويا أعصابك
ضاعوا منك ... وتفضل تايه في الأيام
      (5)  عايز تسهر جوا المصنع وتكمل شغل الوردية ....
         فاكر إن بأى منشط أو بمقوى راح تزداد قوة بدنية ....
         وناسي جنابك إن دماغك راح تتدمر ولا هيكون لشبابك ديه
     (6)  يا عم فتحي أنسى اللمه ... وقوم من جمب الجوزه كفاية
شمر أيديك وازرع أرضك .... وافتح فيها حوض وأنايه
بدل الجوزة ما تهد ف حيلك وتبقى عليل .... ولا راح تعرف تمسك فاسك ... وساعتها ما هتلاقى اللقمة ... والأمراض تسرح جواك ... ولا هتلاقى ليها نهاية ...
    (7)  بتقسلى الضغط ودخانك هايموتنى ... وهايدفنى من غير تصريح
ولأنك قدوة المرضى لو شافوا جنابك راح تبقى مصيبة ... وهيتوهموا بأن الدخان دا مفيد ومريح

   (8)  هاتعرفهم معنى الدرس وازاى قايم تشرح ليهم ... تفتكر إن الطلبة راح تتعلم والدخان طاير يعميهم ... ولأنك بتعلم جيل ...
راح تنقل عادة تدخينك ف المستقبل للأجيال ...
(9)  أنت أخلاقك لازم تبقى بروح رياضية ....
هات الجون وألعب تكسب أحلى ميدالية
متفكرش في أي منشط علشان تفضل صحة عضلك راس مالك وأغلى هديه
(10)  أوعى تفكر إن خيالك ممكن يبدع وأنت دماغك مليانه كيف  ...
وتقول ببدع ... أصل الكيف ف الفن لطيف ...
وتلاقى كيفك دمر فنك .... وتبقى يا فارس من غير سيف ...